To'rt oyda 100 mingdan ortiq avtomobil sotildi

O‘zbekiston avtomobilsozlik sanoati 2025-yilning yanvar-aprel oylarida sezilarli faollik bilan davom etdi. Davr mobaynida mamlakatda jami — 106 841 dona avtomobil sotilgan, bu esa tarmoqdagi jadal o‘sishni ko‘rsatmoqda.

Sotuvlar bo‘yicha yetakchilikni har doimgidek UzAuto Motors saqlab qolgan — bu kompaniya hisobidan 59 427 dona avtomobil sotilgan. Ikkinchi o‘rinda esa — Khorezm Auto bo‘lib, u 28 789 dona mashina bilan yetakchilarga yaqinlashmoqda.

Quyidagi kompaniyalar esa shunday natijalarga erishdi:

- ADM Jizzakh — 12 120 dona;

- BYD Uzbekistan Factory — 5 953 dona;

- Asaka Motors — 397 dona;

- SamAuto — 124 dona;

- Jizzakh Auto — 31 dona.

Bu ko‘rsatkichlar O‘zbekistonda avtomobil ishlab chiqarish bo‘yicha raqobat kuchayib borayotganini va yangi o‘yinchilarning bozorda o‘z o‘rnini topayotganini ko‘rsatmoqda.